”Мы спадчыну дзядоў сваіх шануем – традыцыямі продкаў ганарымся“, – пад такім дэвізам 21-22 лістапада ў Мінску праходзіў IV Рэспубліканскі фестываль-конкурс даследчых праектаў навучэнцаў ”Нашчадкі традыцый“. Яго ўдзельнікамі сталі 18 творчых калектываў, даследчыя працы якіх былі прызнаны лепшымі.У гэтым ліку і калектыў аўтараў і кіраўнікоў творча-даследчай працы ”Бясконцае кола ліры“ з Сенненскага раённага цэнтра дзяцей і моладзі: навучэнцы Барысевіч Таццяна, Берашэвіч Валерыя, Церабіленка Альбіна, загадчык аддзялення дадатковай адукацыі Каржыцкая В.В., акампаніятар Ціханаў Д.Р. Праект быў прысвечаны даследаванню народнага музычнага інструмента – колавай ліры, яе мастацкай рэканструкцыі. Творчая абарона зробленай працы адбылася ў намінацыі ”Музычная спадчына маёй Радзімы“.
Па выніках удзелу ў заключным этапе фестывалю-конкурсу творчы калектыў быў узнагароджаны дыпломам III ступені Міністэрства адукацыі Рэспублікі Беларусь.
Віншуем пераможцаў і жадаем новых творчых дасягненняў.
Русский
Беларуская мова
English